اٹک: اٹک میں سکول وین پر فائرنگ سے 2 بچے جاں بحق ہوگئے۔
ریسکیو حکام کے مطابق پنجاب کے ضلع اٹک کے علاقے ڈھیری کوٹ میں نامعلوم افراد کی جانب سے سکول وین پر فائرنگ کی گئی جس کے نتیجے میں 2 بچے جاں بحق جبکہ 6 زخمی ہوگئے۔
ریسکیو حکام نے بتایا کہ زخمی بچوں اور نعشوں کو ہسپتال منتقل کر دیا گیا ہے، جن کی عمریں 10 سے 12 سال کے درمیان ہیں۔
پولیس حکام کے مطابق ملزمان موقع سے فرار ہوگئے، سکول وین ڈھیری کوٹ گاؤں سے بچوں کو لیکر سرخ گاؤں کے سکول جا رہی تھی۔
دوسری جانب وزیر اعلیٰ پنجاب مریم نواز شریف نے سکول وین پر فائرنگ کا نوٹس لیتے ہوئے کمشنر راولپنڈی سے رپورٹ طلب کر لی اور زخمیوں کو بہترین طبی سہولیات فراہم کرنے کی ہدایت کی ہے۔
وزیر اعلیٰ مریم نواز شریف نے دو طالبات کے جاں بحق ہونے پر گہرے رنج و دکھ کا بھی اظہار کیا۔
The post اٹک: نامعلوم افراد کی سکول وین پر فائرنگ، 2 بچے جاں بحق، 6 زخمی first appeared on Daily Ittehad.
The post اٹک: نامعلوم افراد کی سکول وین پر فائرنگ، 2 بچے جاں بحق، 6 زخمی appeared first on Daily Ittehad.