کراچی: پیرس اولمپکس میں تاریخ رقم کرنے والے پاکستانی اولمپیئن ارشد ندیم نے گولڈ میڈل کو قوم کے لیے یوم آزادی کا تحفہ قرار دیے دیا۔
سماجی رابطے کی ویب سائٹ ’’ایکس‘‘ پر پیغام جاری کرتے ہوئے ارشد ندیم نے کہا کہ بڑے فخر کے ساتھ اللہ تعالیٰ کا شکر ادا کرتا ہوں، پہلے تو میں اللہ تعالیٰ کا شکر گزار ہوں کہ اس نے مجھے اس عظیم کامیابی سے نوازا۔
انہوں نے کہا کہ میرے والدین کی اور پوری قوم کی دعائیں ہیں، آپ سب کا شکریہ!
ارشد ندیم نے کہا کہ خاص طور پر اپنے کوچ جناب سلمان اقبال بٹ کی انتھک محنت اور ڈاکٹر علی شیر باجوہ کی حمایت کی بدولت میں نے اس بڑے سنگ میل کو عبور کیا ہے۔
پاکستانی اولمپیئن نے کہا کہ آخر میں، یہ گولڈ میڈل میری طرف سے پوری قوم کے لئی یومِ آزادی کے موقع پر ایک تحفہ ہے۔واضح رہے کہ گزشتہ روز پیرس اولمپکس میں جیولین تھرو کے مقابلوں میں پاکستان کے ارشد ندیم نے تاریخ رقم کرتے ہوئے اولمپک کی تاریخ کی سب سے بڑی 92.97 میٹر کی تھرو کرتے ہوئے پاکستان کو چالیس سال بعد اولمپک میں گولڈ میڈل جتوایا۔
The post اولمپیئن ارشد ندیم نے قوم کیلیے گولڈ میڈل کو یوم آزادی کا تحفہ قرار دیدیا first appeared on Daily Ittehad.
The post اولمپیئن ارشد ندیم نے قوم کیلیے گولڈ میڈل کو یوم آزادی کا تحفہ قرار دیدیا appeared first on Daily Ittehad.