گوجرخان(ملک نصیر )اسسٹنٹ کمشنر گوجرخان خضر ظہو گورائیہ کی مرکزی میلاد مصطفیٰ کمیٹی اور انتظامی اداروں کے نمائندوں کیساتھ میٹنگ میں جشن عیدمیلادالنبی کے حوالے سے تمام انتظامات کا جائزہ لیا گیا، متعلقہ اداروں کو ہدایات بھی جاری کی گئیں اجلاس میں ایس ڈی پی او سلیم خٹک نے کہا کہ عید میلاد کے پروگراموں کے حوالے سے انتظامیہ بھر پور معاونت کرے گی سیکورٹی کے فول پروف انتظامات کیے جائیں گے اسسٹنٹ کمشنر آفس گوجرخان میں ہونے والی میٹنگ میں جنرل سیکرٹری مرکزی میلاد کمیٹی عبدالصبور کیانی نے مرکزی جلوس،دعوت اسلامی کے جلوس،مانکیالہ،نگائل عمر خان اور صدیق اکبر مسجد کے جلوسوں سمیت انجمن اثناء عشریہ کے پروگرام کے بارے میں اسسٹنٹ کمشنر کو بریفنگ اورمرکزی جلوس میں شامل ہونے کی دعوت دی مرکزی انجمن تاجران گوجرخان کے جوائنٹ سیکرٹری مرزا تیمور وارثی نے اسسٹنٹ کمشنر کو صفائی اور سیکورٹی کے حوالے سے میلاد کمیٹی کے تحفظات سے آگاہ کیا جس پر ایس ڈی پی او سلیم خٹک نے مرکزی میلاد کمیٹی کے زمہ داران سے کہا کہ وہ جلوس میں شامل ہونگے اور جلوس کے راستے کی مکمل صفائی ہوگی جبکہ تجاوزات بھی نہیں ہونگی بلدیہ کا عملہ معاونت کے لیے جلوس کے ساتھ رہےگا سیکورٹی کے لیے بارہ ربیع الاول کی رات اور دن کے تمام پروگراموں میں پولیس اہلکار اپنی معاونت پیش کریں گے اس موقع پر ٹریفک پولیس کے انسپکٹر شاہد عمران نے جلوس کے روٹ کو ٹریفک سے کلئیر رکھنے اور متبادل انتظامات کی یقین دھانی کرائی۔ریسکیو 1122 اور سول ہسپتال کی ایمبولینسز فائر بریگیڈ جلوس کے ساتھ ہوں گی۔میٹنگز میں حاجی راجہ حسن اختر چوہان ،راجہ واجد چوہان،علامہ تیمور عطاری،چوہدری گل محمد صراف،نوید طاہر،نثار عطاری،نصیر چشتی،ٹھیکیدار اخلاق،ایم ایس سول ہسپتال ڈاکٹر سرمد کیانی،آر ڈبلیو ایم سی شایان،تھانہ مندرہ ایڈیشنل ایس ایچ او سب انسپکٹر مناظر، تھانہ جاتلی ایس ایچ اوعصمت،چیف آفیسر بلدیہ اظہر مجید ،پی آر او ڈی ایس پی مرزا خرم، ریڈر جمیل،عبدالہادی نصیروی،شاہد محمود،ایس ایچ او ملک نذیر گھیبہ ،ڈی ایف سی ملک طارق ،چاند مبین ٹی ایم اے،جامع مسجد خلفائے راشدین مفتی سعید اللّٰہ ،جامع مسجد المدینہ مفتی عرفان اور دیگر زمہ داران نے شرکت کی۔
The post اسسٹنٹ کمشنر گوجرخان کی مرکزی میلاد کمیٹی اور سرکاری محکموں کے زمہ داران سے میٹنگ first appeared on Daily Ittehad.
The post اسسٹنٹ کمشنر گوجرخان کی مرکزی میلاد کمیٹی اور سرکاری محکموں کے زمہ داران سے میٹنگ appeared first on Daily Ittehad.