اسلام آباد: وفاقی کابینہ نے حماس کے سربراہ اسماعیل ہانیہ کے قتل کی شدید مذمت کرتے ہوئے فلسطین سے بھرپور یکجہتی کا اظہار کیا ہے۔
وزیراعظم شہباز شریف کی زیر صدارت وفاقی کابینہ کا اجلاس ہوا جس میں اہم امور زیر غور آئے۔
ذرائع کے مطابق وزیراعظم شہباز شریف نے کابینہ اجلاس میں مظلوم فلسطینیوں کے ساتھ واشگاف الفاظ میں اظہار یکجہتی کیا، اجلاس میں 10 نکات پر مشتمل ایجنڈا جزوی طور پر منظور کر لیا گیا۔
اجلاس میں اسرائیل کیخلاف مذمتی قرارداد سمیت دیگر اہم امور پر غور کیا گیا، 10 نکات پر مشتمل ایجنڈے میں چین اور پاکستان کے مابین تجارت بڑھانے سے متعلق مفاہمتی یادداشت پیش کی گئی۔
اجلاس میں وزارت تعلیم سے متعلق فیڈرل سروس ٹربیونل فیصلہ پر عملدرآمد کی منظوری دی گئی،نیشنل یونیورسٹی آف ماڈرن لینگویج چارٹر کے دوبارہ نفاذ، مجوزہ کنگ حماد یونیورسٹی آف نرسنگ اینڈ ایسوسی ایٹڈ میڈیکل سائنسز بل اور نجکاری بورڈ کے ارکان کی تعداد میں اضافے کا ایجنڈا مؤخر کر دیا گیا۔
علاوہ ازیں وفاقی کابینہ کے اجلاس میں بین المذاہب ہم آہنگی پالیسی کے علاوہ 22-2021 اور 23-2022 میں فیڈریشن سے متعلق پالیسیوں پر عملدرآمد رپورٹ بھی مؤخر کر دی گئی جبکہ ریاستی انٹرپرائزز سے متعلق کابینہ کمیٹی کے 22 جولائی کے فیصلوں کی توثیق بھی ایجنڈے کا حصہ تھی، کابینہ میں ریاستی ملکیتی انٹرپرائزز پر بریفنگ بھی مؤخر کی گئی۔
The post وفاقی کابینہ کی اسماعیل ہانیہ کے قتل کی مذمت، فلسطین سے بھرپور یکجہتی کا اظہار first appeared on Daily Ittehad.
The post وفاقی کابینہ کی اسماعیل ہانیہ کے قتل کی مذمت، فلسطین سے بھرپور یکجہتی کا اظہار appeared first on Daily Ittehad.